आधारभूमि संवाददाता

काठमाडौ, साउन ३

आज सुनको मूल्य घटेको छ । शुक्रबार तोलामा ९३ हजार २०० मा कारोवार भएको छापावाल सुन आज प्रतितोला ६०० ले घटेर ९२ हजार ६०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ प्रतितोला ६०० ले घटेर ९२ हजार १०० मा कारोवार भएको छ । यस अघि शुक्रबार तेजावी सुन रु ९२ हजार ७०० मा कारोवार भएको थियो ।

आज चाँदीको मूल्य पनि प्रतितोला रु २५ ले घटेको छ । आज महासङ्घले चाँदीको मूल्य प्रतितोला रु एक हजार २९५ तोकेको छ । यस अघि शुक्रबार चाँदी प्रतितोला रु एक हजार ३२० मा कारोबार भएको थियो ।