काठमाडौ, असार २३

सानिमा जनरल इन्स्योरेन्स कम्पनीको तेस्रो बार्षिक साधारण सभा सम्पन्न भएको छ । कम्पनीले बुधबार कम्पनीका अध्यक्ष खेमराज लामिछानेको सभापतित्वमा केन्द्रिय कार्यालय कमलाद्धीमा बार्षिक साधारण सभा सम्पन्न गरेको हो ।

भर्चुुअलरुपमा सम्पन्न भएको बार्षिक साधारण सभाले गत आर्थिक बर्षको बित्तीय बिवरण नेपाल बित्तीय प्रतिवेदनमान (एनएफआरएस) बमोजिम पेस गरेको उक्त प्रतिवेदन पारित गरेको छ । सभाले कम्पनीको बार्षिक लेखा परिक्षकमा सुजन काफ्ले एण्ड एसोसिएट.सलाई सर्वसम्वतरुपमा चयन गरेको छ । यसका साथै सभाले सर्वसाधारण सेयरधनी समुहका तर्फबाट प्रपुजा पोखरेल र प्रकाशमान श्रेष्ठलाई सञ्चालकमा निर्विरोध निर्वाचित गरेको छ । कम्पनीले हाल प्रधान कार्यालय सहित २० वटा शाखा मार्फत कारोवार सञ्चालन गर्दे आएको छ ।