आधारभूमि संवाददाता
काठमाडौं, असार १९
इटाली युरोकप फुटबलको सेमिफाइनलमा प्रवेश गरेको छ ।शुक्रबार राति भएको खेलमा इटालीले बेल्जियमलाई २-१ गोलले पराजित गर्दै सेमिफाइनल प्रवेश गरेको हो ।
इटालीलाई जित दिलाउन निकोला बरेला र लोरेन्जो इन्सिनेले एक-एक गोल गरे ।बेल्जियमका रोमेलु लुकाकुले एक गोल फर्काए ।
खेलको ३१ औँ मिनेटमा इटालीका निकोला बरेलाले मार्को भेराट्टीको पासमा गोल गर्दे टोलीलाई सुरुवाती अग्रता दिलाएका थिए।
खेलको ४४ औं मिनेटमा इटालीका लोरेन्जो इन्सिनेले गोल गर्दे टोलीलाई २-० को अग्रता दिलाए ।
पहिलो हाफको इन्जुरी समयमा बेल्जियमका रोमेलु लुकाकुले पेनाल्टीमा गोल गर्दै खेल २-१ को स्थितिमा ल्याएका थिए। तर, दोस्रो हाफमा कुनै गोल हुन सकेन र खेल इटालीले आफ्नो पोल्टामा पारेको हो ।
जितसँगै इटाली युरोकप फुटबलको सेमिफाइनलमा प्रवेश गरेको छ । इटालीले अब सेमिफाइनलमा स्पेनसँग खेल्नेछ ।
