काठमाडौ, असार १८
क्यानडा पठाईदिन्छुु भन्दै १७ लाख रुपैयाँ ठगी गर्ने व्यक्ति पक्राउ परेकाछन । महानगरीय अपराध महाशाखा मिनभवनले काभ्रेको पाँचखाल घर भई हाल काठमाडौको नयाँ बानेश्वर बस्ने २१ बर्षीय प्रजिन अधिकारीलाई ठगीको अभियोगमा पक्राउ गरेको जानकारी दिएको छ ।
प्रहरीका अनुसार अधिकारीले सर्लाही लालवन्दी घर भएकी ३० बर्षीया यमुुना बस्नेतबाट वर्किङ भिषामा क्यानडा पठाईदिन्छुु भनी १७ लाख रुपैयाँ रकम लिएर फरार भएका थिए । यसरी फरार भएका अधिकारी बिरुद्ध महाशाखामा ठगी सम्वन्धी उजुरी परेको र सोही उजुरीको आधारमा अधिकारीलाई काभ्रेको बनेपास्थित दाहालगाउँबाट पक्राउ गरिएको महाशाखाले जानकारी दिएको छ । अधिकारी उपर थप अनुसन्धान गर्नको लागि महानगरीय प्रहरी परिसर काठमाडौ पठाईएको महाशाखाले जनाएको छ ।