आधारभूमि संवाददाता

काठमाडौँ, १७ असार

आज सुनको मूल्य बढेको छ । बुधवार तोलामा ९० हजारमा कारोवार भएको छापावाल सुन आज प्रतितोला ८०० ले बढेर ९० हजार ८०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ प्रतितोला ७५० ले बढेर ९० हजार ३०० कारोवार भएको छ । यस अघि बुधवार तेजावी सुन रु ८९ हजार ५५० मा कारोवार भएको थियो ।

आज चाँदीको मूल्य पनि प्रतितोला रु २० ले वृद्धि भएको छ । आज महासङ्घले चाँदीको मूल्य प्रतितोला रु एक हजार ३१० तोकेको छ । यस अघि बुधवार चाँदी प्रतितोला रु एक हजार २ सय ९० मा कारोबार भएको थियो ।