आधारभूमि संवाददाता
काठमाडौँ,६ असार
साताको पहिलो दिन पनि सुनको मूल्य घटेको छ । शुक्रबार तोलामा ९० हजार ८०० मा कारोवार भएको छापावाल सुन आज प्रतितोला ८०० ले घटेर ९० हजारमा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ८०० ले घटेर ८९ हजार ५५० मा कारोवार भएको छ । यस अघि शुक्रबार तेजावी सुन रु ९० हजार ३०० मा कारोवार भएको थियो ।
आज चाँदीको मूल्य पनि प्रतितोला रु १५ ले घटेको छ । आज महासङ्घले चाँदीको मूल्य प्रतितोला रु एक हजार २९० तोकेको छ । यस अघि शुक्रबार चाँदी प्रतितोला रु एक हजार ३०५ मा कारोबार भएको थियो ।
