आधारभूमि संवाददाता
काठमाडौं, जेठ ३१
ब्राजिलले कोपा अमेरिका फुटबलमा विजयी सुरुवात गरेको छ ।आइतबार राति भएको उद्घाटन खेलमा ब्राजिलले भेनेजुएलालाई ३-० गोल अन्तरले पराजित गरेको हो ।
ब्राजिललाई जित दिलाउन मार्क्विन्होसले,नेयमार र गेब्रियल बार्बोसाले एक-एक गोल गरे ।ब्राजिलले एक गोल पहिलो हाफ र दुई गोल दोस्रो हाफमा गरेको हो ।
खेलको २३ औँ मिनेटमा मार्क्विन्होसले गोल गर्दे टोलीलाई सुरुवाती अग्रता दिलाएका थिए।
दोस्रो हाफको ६४ औं मिनेटमा नेयमारले पेनाल्टीमा गोल गर्दै टोलीलाई २-० ले अघि बढाए।
त्यसपछि खेलको ८९ औँ मिनेटमा गेब्रियल बार्बोसाले नेयमारको पासमा गोल गर्दै टोलीलाई ३-० को सहज जित दिलाए ।
जितसँगै समूह (ए)मा रहेका ब्राजिलले तीन अंक जोडेको छ र तालिकाको शीर्ष स्थानमा छ ।पराजित भेनेजुएला अंक विहीन तालिकाको पुछारमा छ ।
