आधारभूमि संवाददाता

काठमाडौ, जेठ ३०

आज सुनको मूल्य घटेको छ । शुक्रबार तोलामा ९४ हजार ५०० मा कारोवार भएको छापावाल सुन आज प्रतितोला ६०० ले घटेर ९३ हजार ९०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ६०० ले घटेर ९३ हजार ४०० मा कारोवार भएको छ । यस अघि शुक्रबार तेजावी सुन रु ९४ हजारमा कारोवार भएको थियो ।

आज चाँदीको मूल्य स्थिर रहेको छ । नेपाल सुनचाँदी व्यवसायी महासङ्घले आजको लागि पनि चाँदीको मूल्य प्रतितोला रु एक हजार ३७० तोकेको छ ।