आधारभूमि संवाददाता

काठमाडौ, जेठ २८

आज सुनको मूल्य बढेको छ । बिहीबार तोलामा ९३ हजार ९०० मा कारोवार भएको छापावाल सुन आज प्रतितोला ६०० ले बढेर ९४ हजार ५०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ६०० ले बढेर ९४ हजारमा कारोवार भएको छ । यस अघि बिहीबार तेजावी सुन रु ९३ हजार ४०० मा कारोवार भएको थियो ।

आज चाँदीको मूल्य पनि प्रतितोला रु १५ ले वृद्धि भएको छ । आज महासङ्घले चाँदीको मूल्य प्रतितोला रु एक हजार ३७० तोकेको छ । यस अघि बिहीबार चाँदी प्रतितोला रु एक हजार ३ सय ५५ मा कारोबार भएको थियो ।