आधारभूमि संवाददाता

काठमाडौ, जेठ २७

आज सुनको मूल्य घटेको छ । बुधवार तोलामा ९४ हजार २०० मा कारोवार भएको छापावाल सुन आज प्रतितोला ३०० ले घटेर ९३ हजार ९०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ३०० ले घटेर ९३ हजार ४०० मा कारोवार भएको छ । यस अघि बुधवार तेजावी सुन रु ९३ हजार ७०० मा कारोवार भएको थियो ।

आज चाँदीको मूल्य पनि प्रतितोला रु ५ ले वृद्धि भएको छ । आज महासङ्घले चाँदीको मूल्य प्रतितोला रु एक हजार ३५५ तोकेको छ । यस अघि बुधवार चाँदी प्रतितोला रु एक हजार ३ सय ५० मा कारोबार भएको थियो ।