आधारभूमि संवाददाता
काठमाडौं, जेठ २७
पोर्तुगलले मैत्रीपूर्ण खेलमा सहज जित निकालेको छ ।बुधबार राति सम्पन्न खेलमा पोर्तुगलले इजरायललाई ४-० गोलले पराजित गरेको हो ।
पोर्तुगललाई जित दिलाउन ब्रुनो फर्नांडीसले दुई गोल गरे भने क्रिस्टियानो रोनाल्डो र जोओ क्यान्सलोले एक-एक गोल गरे ।
खेलको ४२ औँ मिनेटमा ब्रुनो फर्नांडीसले गोल गर्दे टोलीलाई अग्रता दिलाएका थिए।त्यसको दुई मिनेट पछि क्रिस्टियानो रोनाल्डोले गोल गर्दे टोलीको अग्रता दोब्बर बनाए ।
दोस्रो हाफको ८८ औं मिनेटमा जोओ क्यान्सलोले गोल गर्दै टोलीलाई ३-० ले अघि बढाए।
त्यसपछि खेलको इन्जुरी समयमा ब्रुनो फर्नांडीसले व्यक्तिगत दोस्रो गोल गर्दै टोलीलाई ४-० को सहज जित दिलाए ।
समूह (एफ)मा रहेको पोर्तुगलले जुन १५ मा हंगेरीसँग पहिलो खेल खेल्दै युरोकपको सुरुवात गर्नेछ ।त्यस्तै,समूह (एफ)मा फ्रान्स र जर्मनी पनि छन् ।युरोकप फुटबल जुन १२ देखि सुरु हुँदैछ।
