आधारभूमि संवाददाता
काठमाडौं, जेठ २६
फ्रान्सले मैत्रीपूर्ण खेलमा सहज जित निकालेको छ । मंगलबार राति सम्पन्न खेलमा फ्रान्सले बल्गेरियालाई ३-० गोलले पराजित गरेको हो ।
फ्रान्सलाई जित दिलाउन ओलिभियर जिरौडले दुई गोल र एन्टोनियो ग्रीजम्यानले एक गोल गरे ।फ्रान्सले एक गोल पहिलो हाफ र दुई गोल दोस्रो हाफमा गरेको हो ।
खेलको २९ औँ मिनेटमा एन्टोनियो ग्रीजम्यानले गोल गर्दे टोलीलाई अग्रता दिलाएका थिए।
दोस्रो हाफको ८३ औं मिनेटमा जिरौडले गोल गर्दै टोलीलाई २-० ले अघि बढाए।
त्यसपछि खेलको ९० औँ मिनेटमा जिरौडले व्यक्तिगत दोस्रो गोल गर्दै टोलीलाई ३-० को सहज जित दिलाए ।
समूह (एफ)मा रहेको फ्रान्सले जुन १६ मा जर्मनीसँग पहिलो खेल खेल्दै युरोकपको सुरुवात गर्नेछ ।त्यस्तै,समूह (एफ)मा पोर्तुगल र हंगरी पनि छन् ।
युरोकप फुटबल जुन १२ देखि सुरु हुँदैछ।
