आधारभूमि संवाददाता
काठमाडौं, जेठ २२
फिफा विश्वकप २०२२ कतार अन्तर्गत दक्षिण अमेरिका छनोटमा ब्राजिलले लगातार छैटौं जित निकालेको छ ।
बुधबार भएको खेलमा ब्राजिलले पाराग्वेलाई २–० गोलले पराजित गरेको हो ।
ब्राजिललाई जित दिलाउन नेयमार र लुकास पाक्वेटाले एक-एक गोल गरे ।ब्राजिलले एक गोल पहिलो हाफ र एक गोल दोस्रो हाफमा गरेको हो ।
खेलको चौथो मिनेटमा नेयमारले गाब्रियल जिससको पासमा गोल गर्दे टोलीलाई अग्रता दिलाएका थिए।
त्यसपछि दोस्रो हाफको इन्जुरी समयमा लुकास पाक्वेटाले नेयमारको पासमा गोल गर्दै ब्राजिललाई २-० गोलको जित दिलाए ।
जितसँगै ब्राजिलले ६ खेलबाट १८ अंक जोडेको छ र शीर्ष स्थानमा छ ।पराजित पाराग्वेको ७ अंक छ र छैटौं स्थानमा छ ।विश्वकप छनोटमा यो ब्राजिलको लगातार छैटौं जित हो ।
