आधारभूमि संवाददाता

काठमाडौ, जेठ २५

आज सुनको मूल्य बढेको छ । सोमबार तोलामा ९३ हजार ८०० मा कारोवार भएको छापावाल सुन आज प्रतितोला ३०० ले बढेर ९४ हजार १०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ३०० ले बढेर ९३ हजार ६०० मा कारोवार भएको छ । यस अघि सोमबार तेजावी सुन रु ९३ हजार ३०० मा कारोवार भएको थियो ।

आज चाँदीको मूल्य पनि प्रतितोला रु ५ ले वृद्धि भएको छ । आज महासङ्घले चाँदीको मूल्य प्रतितोला रु एक हजार ३५५ तोकेको छ । यस अघि सोमबार चाँदी प्रतितोला रु एक हजार ३५० मा कारोबार भएको थियो ।