आधारभूमि संवाददाता
काठमाडौं, जेठ २२
फिफा विश्वकप २०२२ कतार अन्तर्गत दक्षिण अमेरिका छनोटमा ब्राजिलले जित निकालेको छ ।
शनिबार भएको खेलमा ब्राजिलले इक्वेडरलाई २–० गोलले पराजित गरेको हो ।
ब्राजिललाई जित दिलाउन रिचार्लिसन र नेयमारले एक-एक गोल गरे ।ब्राजिलले दुबै गोल दोस्रो हाफमा गरेको हो ।
खेलको ६५ औँ मिनेटमा रिचार्लिसनले गोल गर्दे टोलीलाई अग्रता दिलाएका थिए।
त्यसपछि दोस्रो हाफको इन्जुरी समयमा नेयमारले पेनाल्टीमा गोल गर्दै ब्राजिललाई २-० गोलको जित दिलाए ।
जितसँगै ब्राजिलले ५ खेलबाट १५ अंक जोडेको छ र शीर्ष स्थानमा छ ।पराजित इक्वेडरको ९ अंक छ र तेस्रो स्थानमा छ ।विश्वकप छनोटमा यो ब्राजिलको लगातार पाँचौं जित हो ।
