आधारभूमि संवाददाता
काठमाडौँ,जेठ १०
इन्टर मिलानले इटालियन सिरी (ए)फुटबलको अन्तिम खेलमा सानदार जित निकालेको छ । घरेलु मैदानमा आइतबार राति भएको खेलमा मिलानले उडीनेजेलाई ५-१ गोलले पराजित गरेको हो ।
मिलानलाई जित दिलाउन एस्ले योङ,क्रिश्चियन एरिक्सन, लाउटरो मार्टिनेज,इवान पेरिसि र रोमेलु लुकाकूले एक-एक गोल गरे ।उडीनेजेका रोबर्टो पेरेराले एक गोल फर्काए ।
खेलको आठौं मिनेटमा एस्ले योङले गोल गर्दै टोलीलाई सुरुवाती अग्रता दिलाएका थिए ।खेलको ४४ औं मिनेटमा क्रिश्चियन एरिक्सनले गोल गर्दै टोलीलाई २-० ले अघि बढाए।
दोस्रो हाफको ५५ औं मिनेटमा लाउटरो मार्टिनेजले पेनाल्टीमा गोल गर्दै टोलीलाई ३-० ले अघि बढाए।
खेलको ६४ औं मिनेटमा इवान पेरिसिले गोल गर्दै टोलीलाई ४-० ले अघि बढाए।त्यस्तै ७१ औं मिनेटमा रोमेलु लुकाकूले गर्दै टोलीलाई ५-० ले अघि बढाए।
खेलको ७१ औं मिनेटमा उडीनेजेका रोबर्टो पेरेराले एक गोल फर्काएका थिए ।
त्यसपछि कुनै गोल हुन सकेन र इन्टर मिलानले जित निकालेको हो ।
जितसंगै इन्टर मिलानले ट्रफी उचालेको छ ।मिलानले यस अघि नै चार खेल अगावै इटालियन सिरी ए फुटबलको उपाधि जितिको हो ।लिगमा ३८ खेल खेलेको मिलानले ९१ अंक जोड्न सफल भयो।
