आधारभूमि संवाददाता
काठमाडौँ,जेठ ६
इंग्लिस प्रिमियर लिग फुटबलमा लिभरपुलले सहज जित निकालेको छ । बुधबार राति भएको खेलमा लिभरपुलले बर्नलीलाई ३-० गोलले पराजित गरेको हो ।
लिभरपुललाई जित दिलाउन रोबर्टो फिर्मिनो,नथनेल फिलिप्सर अक्सलेड-चेम्बरलेनले एक-एक गोल गरे ।लिभरपुलले एक गोल पहिलो हाफ र दुई गोल दोस्रो हाफमा गरेको हो ।
खेलको ४३ औँ मिनेटमा रोबर्टो फिर्मिनोले गोल गर्दै टोलीलाई सुरुवाती अग्रता दिलाएका थिए ।
दोस्रो हाफको ५२ औं मिनेटमा नथनेल फिलिप्सले गोल गर्दै टोलीलाई २-० ले अघि बढाए।
त्यसपछि खेलको ८८ औं मिनेटमा अक्सलेड-चेम्बरलेनले गोल गर्दै टोलीलाई ३-० को सहज जित दिलाए ।
जितसँगै लिभरपुलले ३७ खेलबाट ६६ अंक जोडेको छ र शीर्ष चारमा उक्लिएको छ । लेस्टर सिटीको पनि ३७ खेलबाट ६६ अंक छ तर गोल अन्तरले पाँचौं स्थानमा छ । लिभरपुलले अर्को सिजन युरोपेली च्याम्पियन्स लिग खेल्ने सम्भावना बलियो बनाएको छ । बर्नलीको ३७ खेलबाट ३९ अंक छ १७ औं स्थानमा छ ।
