आधारभूमि संवाददाता
काठमाडौँ,जेठ ५
इंग्लिस प्रिमियर लिग फुटबलमा चेल्सीले सहज जित निकालेको छ। घरेलु मैदानमा मंगलबार राति भएको खेलमा चेल्सीले लेस्टर सिटिलाई २–१ गोल अन्तरले पराजित गरेको हो ।
चेल्सीलाई जित दिलाउन एन्टोनियो रेडिगर र जर्जिनहोले एक-एक गोल गरे । लेस्टर सिटिका केलेची हेनाचोले एक गोल फर्काए।
खेलमा पहिलो अग्रता चेल्सीले लिएको थियो । खेलको ४७ औं मिनेटमा एन्टोनियो रेडिगरले गोल गर्दै चेल्सीलाई सुरुवाती अग्रता दिलाएका थिए ।
खेलको ६६ औं मिनेटमा जर्जिनहोले पेनाल्टीमा गोल गर्दै टोलीलाई २-० ले अघि बढाए।
खेलको ७६ औं मिनेटमा लेस्टर सिटिका केलेची हेनाचोले गोल गर्दै खेल २-१ को स्थितिमा ल्याए ।
त्यसपछि कुनै गोल हुन सकेन र चेल्सीले जित निकालेको हो ।
जितसँगै चेल्सीले ३७ खेलबाट ६७ अंक जोडेको छ र तेस्रो स्थानमा छ। पराजित लेस्टर सिटिको ३७ खेलबाट ६६ अंक छ र चौंथो स्थानमा छ ।
