आधारभूमि संवाददाता
काठमाडौँ,३१ वैशाख
ईङ्लिस प्रिमियर लिग फुटबलमा लिभरपुलले दोस्रो स्थानको म्यानचेस्टर युनाईटेडलाई उसकै घरेलु मैदानमा पराजित गरेको छ । बिहीबार राति भएको खेलमा लिभरपुलले युनाईटेडलाई ४-२ गोल अन्तरले पराजित गरेको हो ।
युनाईटेडको घरेलु मैदानमा लिभरपुललाई जित दिलाउन रोबर्टो फिर्मिनोले दुई गोल, डियोगो जोटा र मोहम्मद सालेहले एक-एक गोल गरे ।म्यानचेस्टर युनाईटेडका ब्रुनो फर्नांडीस र मार्कस रासफोर्डले एक-एक गोल फर्काएका थिए ।
खेलमा पहिलो अग्रता युनाईटेडले लिएको थियो । खेलको १० औं मिनेटमा ब्रुनो फर्नांडीसले गोल गर्दै युनाईटेडलाई सुरुवाती अग्रता दिलाएका थिए ।तर,खेलको ३४ औं मिनेटमा लिभरपुलका डियोगो जोटाले गोल गर्दै खेल बराबरीमा फर्काए ।
पहिलो हाफको इन्जुरी समयमा लिभरपुलका रोबर्टो फिर्मिनोले गोल गर्दै गर्दै टोलीलाई २-१ ले अघि बढाए।
दोस्रो हाफको ४७ औं मिनेटमा फिर्मिनोले व्यक्तिगत दोस्रो गोल गर्दै टोलीलाई ३-१ ले अघि बढाए।
खेलको ६८ औं मिनेटमा युनाईटेड मार्कस रासफोर्डले गोल गर्दै ३-२ को स्थितिमा ल्याए ।
त्यसपछि खेलको ९० औं मिनेटमा लिभरपुलकामोहम्मद सालेहले गोल गर्दै टोलीलाई ४-२ को सहज जित दिलाए ।
हारपछि पनि म्यानचेस्टर युनाईटेडको ३६ खेलबाट ७० अंक छ र दोस्रो स्थानमा छ ।लिभरपुलको ३५ खेलबाट ६० अंक छ र पाँचौं स्थानमा छ ।
