आधारभूमि संवाददाता
काठमाडौ, २९ वैशाख
ईङ्लिस प्रिमियर लिग फुटबलमा लेष्टर सिटीले दोस्रो स्थानको म्यानचेस्टर युनाईटेडलाई उसकै घरेलु मैदानमा पराजित गरेको छ । मंगलबार राति भएको खेलमा लेष्टरले युनाईटेडलाई २-१ गोल अन्तरले पराजित गरेको हो ।
युनाईटेडको घरेलु मैदानमा लेष्टर सिटीलाई जित दिलाउन लुक थॉमस र कैगलर सोयंकयुले एक- एक गोल गरे ।म्यानचेस्टर युनाईटेडका मेसन ग्रीनवुडले एक गोल फर्काएका थिए ।
खेलमा पहिलो अग्रता लेष्टरले लिएको थियो । खेलको १० औं मिनेटमा लुक थॉमसले गोल गर्दै लेष्टर सिटीलाई सुरुवाती अग्रता दिलाएका थिए ।तर,खेलको १५ औं मिनेटमा युनाईटेडका मेसन ग्रीनवुडले गोल गर्दै खेल बराबरीमा फर्काए ।
दोस्रो हाफको ६६ औं मिनेटमा लेष्टरका कैगलर सोयंकयुले गोल गर्दै गर्दै टोलीलाई २-१ ले अघि बढाए।
त्यसपछि बाकी समयमा कुनै गोल हुन सकेन र लेष्टर सिटीले जित निकालेको हो ।
युनाईटेड पराजित भयसँगै म्यानचेस्टर सिटीले तीन खेल बाँकी छहदै लिगको उपाधि जितेको छ । सिटीले पाँचौं पटक प्रिमियर लिग फुटबलको उपाधि जितेको हो ।
हार पछि पनि म्यानचेस्टर युनाईटेडको ३५ खेलबाट ७० अंक जोडेको छ र दोस्रो स्थानमा छ ।लेष्टर सिटीको ३६ खेलबाट ६६ अंक छ र तेस्रो स्थानमा छ ।
