आधारभूमि संवाददाता
काठमाडौ, २९ वैशाख
स्पेनिस ला लिगा फुटबलमा बार्सिलोना लेभान्टेसँग बराबरीमा रोकिएको छ ।मंगलबार राति भएको खेलमा बार्सिलोनालाई लेभान्टेले ३-३ गोलको बराबरीमा रोकेको हो ।
खेलमा बार्सिलोनाको लागि लियोनल मेस्सी ,पेड्री र औसमेन देम्बेलेले एक गोल गरे भने लेभान्टेको गोंज़ालो मेलेरो,जोस लुइस र सर्जिओ लिओनले एक९एक गोल गरेका थिए।
खेलमा पहिलो अग्रता बार्सिलोनाले लिएको थियो । खेलको २५ औं मिनेटमा लियोनल मेस्सीले गोल गर्दै बार्सिलोनालाई सुरुवाती अग्रता दिलाएका थिए ।खेलको ३४ औं मिनेटमा पेड्रीले गोल गर्दै टोलीलाई २-० ले अघि बढाए।
दोस्रो हाफको ५७ औं मिनेटमा लेभान्टेका गोंज़ालो मेलेरोले गोल गर्दै खेल २-१ को स्थितिमा ल्याए । ५९ औं मिनेटमा लेभान्टेका जोस लुइसले गोल गर्दै खेल बराबरीमा फर्काए ।
खेलको ६४ औं मिनेटमा बार्सिलोनाका औसमेन देम्बेलेले गोल गर्दै टोलीलाई ३-२ ले अघि बढाए।
तर,खेलको ८३ औं मिनेटमा लेभान्टेका सर्जिओ लिओनले गोल गर्दै खेल बराबरीमा फर्काए र टोलीलाई हारबाट जोगाए ।
बराबरी सँगै बार्सिलोनाले ३६ खेलबाट ७६ अंक जोडेको छ र दोस्रो स्थानमा छ।लेभान्टेको ३६ खेलबाट ४० अंक छ र १३ औं स्थानमा छ ।
