आधारभुमि संवाददाता
काठमाडौं, बैशाख २६
म्यानचेस्टर युनाईटेडले इंग्लिस प्रिमियर लिग फुटबलमा सहज जित निकालेको छ ।आइतबार राति भएको खेलमा युनाईटेडले एस्टन भिल्लालाई ३-१ गोलले पराजित गरेको हो ।
युनाईटेडलाई जित दिलाउन ब्रुनो फर्नांडीस ,मेसन ग्रीनवुडले र एडिनसन कावानीले एक-एक गोल गरे ।एस्टन भिल्लाको जेबर्ट्रान्ड ट्रोराले एक गोल गरे ।
खेलमा पहिलो अग्रता एस्टन भिल्लाले लिएको थियो । खेलको २४ औं मिनेटमा एस्टन भिल्लाका जेबर्ट्रान्ड ट्रोराले गोल गर्दै टोलीलाई अग्रता दिलाएका थिए।
तर, दोस्रो हाफको ५२ औं मिनेटमा युनाईटेडका ब्रुनो फर्नांडीसले गोल गर्दै खेल बराबरीमा फर्काए ।
खेलको ५६ औं मिनेटमा मेसन ग्रीनवुडले गोल गर्दै युनाईटेडलाई २-१ ले अघि बढाए।
त्यसपछि खेलको ८७ औं एडिनसन कावानीले गोल गर्दै टोलीलाई ३-१ को जित दिलाए ।
खेलको ८९ औँ मिनेटमा एस्टन भिल्लाका ओली वाटकिन्सले रातो कार्ड खादै मैदानबाट बाहिरिएपछि एस्टन भिल्ला १० खेलाडीमा सिमित बनेको थियो।
जितसंगै म्यानचेस्टर युनाईटेडले ३४ खेलबाट ७० अंक जोडेको छ र दोस्रो स्थानमा छ ।पराजित एस्टन भिल्लाको ३४ खेलबाट ४८ अंक छ र ११ औं स्थानमा छ ।
