आधारभूमि संवाददाता
काठमाडौ, २६ वैशाख
इटालियन सिरी (ए) फुटबलमा इन्टर मिलानले फराकिलो जित निकालेको छ । शनिबार राति घरेलु मैदानमा भएको खेलमा मिलानले साम्पडोरियालाई ५-१ गोलले पराजित गरेको हो ।
इन्टर मिलानलाई जित दिलाउन एलेक्सिस सान्चेजले दुई गोल गरे ।रोबर्टो गागलियर्डिनी,एन्ड्रिया पिनामोन्टी र लाउटरो मार्टिनेजले एक-एक गोल गरे । साम्पडोरियाका केइटा बाल्डे डायओले एक गोल फर्काए ।
जितसँगै इन्टर मिलानले ३५ खेलबाट ८५ अंक जोडेको छ र शीर्ष स्थानमा उक्लिएको छ । पराजित साम्पडोरियाको ३५ खेलबाट ४५ अंक छ नवौं स्थानमा छ ।
इन्टर मिलानले यस अघि नै चार खेल अगावै इटालियन सिरी ए फुटबलको उपाधि जितिसकेको छ ।
