आधारभूमि संवाददाता
काठमाडौ, २६ वैशाख
इंग्लिस प्रिमियर लिग फुटबलमा लिभरपुलले सहज जित निकालेको छ । शनिबार राति घरेलु मैदानमा भएको खेलमा लिभरपुलले साउथेम्प्टनलाई २-० गोलले पराजित गरेको हो ।
लिभरपुललाई जित दिलाउन साडियो माने र थियागो अल्कानटाराले एक-एक गोल गरे ।लिभरपुलले एक गोल पहिलो हाफ र एक गोल दोस्रो हाफमा गरेको हो ।
खेलको ३१ औँ मिनेटमा साडियो मानेले गोल गर्दै टोलीलाई सुरुवाती अग्रता दिलाएका थिए ।
त्यसपछि दोस्रो हाफको ९० औं मिनेटमा थियागो अल्कानटाराले गोल गर्दै टोलीलाई २-० को सहज जित दिलाए ।
जितसँगै लिभरपुलले ३४ खेलबाट ५७ अंक जोडेको छ र छैटौं स्थानमा उक्लिएको छ । पराजित साउथेम्प्टनको ३४ खेलबाट ३७ अंक छ १६ औं स्थानमा छ ।
