आधारभूमि संवाददाता
काठमाडौ, २६ वैशाख
इंग्लिस प्रिमियर लिग फुटबलमा शीर्ष स्थानको म्यानचेस्टर सिटी चेल्सीसँग पराजित भएको छ। शनिबार राति भएको खेलमा चेल्सी सिटीलाई उसकै मैदानमा २-१ गोलले पराजित गरेको हो ।
चेल्सीलाई जित दिलाउन हकीम जियाच र मार्कोस अलोन्सोले एक-एक गोल गरे।सिटीका रहीम स्टर्लिंगले एक गोल फर्काए।
खेलमा पहिलो अग्रता सिटीले लिएको थियो । खेलको ४४ औं मिनेटमा सिटीका रहीम स्टर्लिंगले गोल गर्दै टोलीलाई अग्रता दिलाएका थिए।
तर, दोस्रो हाफको ६३ औं मिनेटमा चेल्सीका हकीम जियाचले गोल गर्दै खेल बराबरीमा फर्काए ।
त्यसपछि इन्जुरी समयमा मार्कोस अलोन्सोले गोल गर्दै चेल्सीलाई २-१ को जित दिलाए ।
जितसंगै चेल्सीले ३५ खेलबाट ६४ अंक जोडेको छ र तेस्रो स्थानमा छ । पराजित पछि पनि म्यानचेस्टर सिटीको ३५ खेलबाट ८० अंक छ र तेस्रो स्थानमा छ ।अब सिटीलाई उपाधि जित्न एक खेलमा जित निकाले पुग्नेछ ।
