आधारभूमि संवाददाता
काठमाडौं, चैत १९
स्पेनिस ला लिगा फुटबलमा रियल मड्रिडले सहज जित निकालेको छ । शनिबार राति भएको खेलमा रियलले ओसासुनालाई २-० गोलले पराजित गरेको हो ।
रियललाई जित दिलाउन इडर मिलिटो र केसमिरोले एक-एक गोल गरे। रियल मड्रिडले दुबै गोल दोस्रो हाफमा गरेको हो ।
दोस्रो हाफको ७६ औँ मिनेटमा इडर मिलिटोले गोल गर्दै टोलीलाई सुरुवाती अग्रता दिलाएका थिए ।
त्यसपछि ८० औँ मिनेटमा केसमिरोले गोल गर्दै टोलीलाई २-० को जित दिलाए ।
जितसंगै रियलले ३४ खेलबाट ७४ अंक जोडेको छ र दोस्रो स्थानमा छ । पराजित ओसासुनाको ३४ खेलबाट ४० अंक छ र ११ औं स्थानमा छ ।
