आधारभूमि संवाददाता
काठमाडौँ, १६ वैशाख
ललितपुरको महालक्ष्मी नगरपालिका वडा नं. ७ ले अत्यावशेक बाहेकका सम्पुर्ण सेवा बन्द गरेको छ ।
पछिल्लो समय काठमाडौँ उपत्यका लगायत देशका विभिन्न भागमा कोभिड–१९ सङ्क्रमितहरुको संख्या दिनप्रतिदिन वृद्धि हुँदै गएकाले नगरवासीहरुको स्वास्थ्य सुरक्षाको जोखिमलाई मध्यनजर गर्दै वडा नं. ७ को कार्यालयबाट प्रदान गरिने अत्यावश्यक बाहेकका सम्पुर्ण सेवाहरु बन्द गर्ने नगरपालिका वडा नं. ७ का वडा अध्यक्ष नकुल थापाले जानकारी दिए ।