आधारभूमि संवाददाता
काठमाडौ, १३ वैशाख
सोमबार थप ३ हजार ५५६ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा १३ हजार २९३ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या तीन लाख ३५ हजार ६१ पुगेको छ ।
त्यस्तै पछिल्लो २४ घण्टामा पीसीआर विधिबाट १३ हजार २९३ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ६५ रहेको छ । कोरोना सक्रिय संक्रमितको संख्या २२ हजार ४३४ जना छन् । हालसम्म २४ लाख १७ हजार ४१७ जनाको पीसीआर परीक्षण गरिएको छ।
थप ३७८ जना डिस्चार्ज
नेपालमा पछिल्लो २४ घण्टामा ३७८ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ७७ हजार ९५१ पुगेको छ ।
नेपालमा हालसम्म कोरोनाबाट ज्यान गुमाउनेको संख्या तीन हजार १७६ पुगेको छ।
