आधारभूमि संवाददाता
काठमाडौ, १३ वैशाख
स्पेनिस ला लिगा फुटबलमा शीर्ष स्थानको एट्लेटिको मड्रिड एट्लेटिक बिल्बाओसँग पराजित भएको छ। आइतबार राति भएको खेलमा बिल्बाओले एट्लेटिको मड्रिडलाई २-१ गोलले पराजित गरेको हो ।
एट्लेटिक बिल्बाओलाई जित दिलाउन अलेजेन्ड्रो बेरेनगुइर रेमिरो र ईन्गो मार्टिनेजले एक-एक गोल गरे ।एट्लेटिको मड्रिडका स्टेफन सेविकले एक गोल गरे ।
खेलमा पहिलो अग्रता बिल्बाओले लिएको थियो । खेलको आठौं मिनेटमा बिल्बाओका अलेजेन्ड्रो बेरेनगुइर रेमिरोले गोल गर्दै टोलीलाई सुरुवाती अग्रता दिलाएका थिए।
दोस्रो हाफको ७७ औँ मिनेटमा एट्लेटिको मड्रिडका स्टेफन सेविकले गोल गर्दै खेल बराबरीमा फर्काए ।तर,खेलको ८६ औँ मिनेटमा बिल्बाओका ईन्गो मार्टिनेजले गोल गर्दै टोलीलाई २-१ को जित दिलाए ।
हारपछि पनि एट्लेटिको मड्रिडको ३३ खेलबाट ७३ अंक छ र शीर्ष स्थानमा छ। बिल्बाओको ३२ खेलबाट ४१ अंक छ र दशौँ स्थानमा छ।दोस्रो स्थानको रियल मड्रिडको ३३ खेलबाट ७१ अंक छ । तेस्रो स्थानको बार्सिलोनाको ३२ खेलबाट ७१ अंक छ ।
