आधारभूमि संवाददाता
काठमाडौँ, १२ वैशाख
आइतबार थप ३ हजार १२२ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा १० हजार ७८ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या तीन लाख ११९ पुगेको छ ।
त्यस्तै पछिल्लो २४ घण्टामा पीसीआर विधिबाट १० हजार ७८ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ६९ रहेको छ । कोरोना सक्रिय संक्रमितको संख्या १९ हजार ३८२ जना छन् । हालसम्म २४ लाख ५ हजार १७ जनाको पीसीआर परीक्षण गरिएको छ।
थप ४५० जना डिस्चार्ज
नेपालमा पछिल्लो २४ घण्टामा ४५० जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ७७ हजार ५७३ पुगेको छ ।नेपालमा हालसम्म कोरोनाबाट ज्यान गुमाउनेको संख्या ३ हजार १६४ पुगेको छ।
