आधारभूमि संवाददाता
काठमाडौ, ११ वैशाख
इंग्लिस प्रिमियर लिग फुटबलमा आर्सनलले हार व्यवरेको छ । शुक्रबार राति भएको खेलमा आर्सनल एभर्टनसँग १-० गोलले पराजित भएको हो ।
खेलमा एक मात्र गोल आर्सनलका गोलकिपर ब्रेण्ड लिनोले गरे । एभर्टनको रिचार्लीसनको क्रस बल रोक्नेक्रममा गोलकिपर लिनोको हातबाट फुत्किएर गोलमा परिणत भएको थियो ।
जितसंगै एभर्टनले ३२ खेलबाट ५२ अंक जोडेको छ र आठौं स्थानमा छ । पराजित आर्सनलको ३३ खेलबाट ४६ अंक छ र नवौं स्थानमा छ ।
