आधारभूमि संवाददाता
काठमाडौ, १० वैशाख
स्पेनिस ला लिगा फुटबलमा एट्लेटिको मड्रिड पुनः शीर्ष स्थानमा उक्लिएको छ ।बिहीबार राति भएको खेलमा एट्लेटिकोले ह्युस्कालाई २-० गोल अन्तरले पराजित गर्दै शीर्ष स्थानमा उक्लिएको हो ।
एट्लेटिकोलाई जित दिलाउन एन्जल कोरिया र एयानिक कारास्कोले एक-एक गोल गरे ।
खेलको ३९ औं मिनेटमा एन्जल कोरियाले गोल गर्दै एट्लेटिकोलाई अग्रता दिलाएका थिए ।
त्यसपछि खेलको ८० औं मिनेटमा एयानिक कारास्कोले गोल गर्दै एट्लेटिकोलाई २-० को जित दिलाए ।
जितसँगै एट्लेटिकोले ३२ खेलबाट ७३ अंक जोडेको छ र शीर्ष स्थानमा उक्लिएको छ। दोस्रो स्थानको रियाल मड्रिडको ३२ खेलबाट ७० अंक छ।पराजित ह्युस्काको २७ अंक छ र १८ औं स्थानमा छ ।
