आधारभूमि संवाददाता
काठमाडौ, ६ वैशाख
म्यानचेस्टर युनाईटेडले इंग्लिस प्रिमियर लिग फुटबलमा सहज जित निकालेको छ ।आइतबार राति भएको खेलमा युनाईटेडले बर्नलीलाई ३-१ गोलले पराजित गरेको हो ।
युनाईटेडलाई जित दिलाउन मेसन ग्रीनवुडले दुई र एडिनसन कावानीले एक गोल गरे ।बर्नलीको जेम्स टार्कोव्स्कीले एक गोल फर्काए ।
खेलको ४८ औं मिनेटमा मेसन ग्रीनवुडले गोल गर्दै युनाईटेडलाई सुरुवाती अग्रता दिलाएका थिए ।तर, खेलको ५० औं मिनेटमा बर्नलीका जेम्स टार्कोव्स्कीले गोल गर्दै खेल बराबरीमा ल्याए ।
खेलको ८४ औं मिनेटमा ग्रीनवुडले व्यक्तिगत दोस्रो गोल गर्दै युनाईटेडलाई २-१ ले अघि बढाए।
त्यसपछि इन्जुरी समयमा एडिनसन कावानीले गोल गर्दै टोलीलाई ३-१ को जित दिलाए ।
जितसंगै म्यानचेस्टर युनाईटेडले ३२ खेलबाट ६६ अंक जोडेको छ र दोस्रो स्थानमा छ ।पराजित बर्नलीको ३३ अंक छ र १७ औं स्थानमा छ ।
