आधारभूमि संवाददाता
काठमाडौं ,बैशाख ३

आज पनि सुनको मूल्य बढेको छ । बिहीबार तोलामा ८९ हजार ८०० मा कारोवार भएको छापावाल सुन आज प्रतितोला ७०० ले बढेर ९० हजार ५०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ७०० ले बढेर ९० हजारमा कारोवार भएको छ । यस अघि बिहीबार तेजावी सुन रु ८९ हजार ३५० मा कारोवार भएको थियो ।

आज चाँदीको मूल्य पनि प्रतितोला रु १० ले वृद्धि भएको छ । आज महासङ्घले चाँदीको मूल्य प्रतितोला रु एक हजार ३०० तोकेको छ । यस अघि बिहीबार चाँदी प्रतितोला रु एक हजार २ सय ९० मा कारोबार भएको थियो ।