आधारभूमि संवाददाता
काठमाडौ, चैत ३०

स्पेनिस ला लिगा अन्तर्गत गएराति भएको खेलमा एट्लेटिको मड्रिड रियल बेटिससँग बराबरीमा रोकिएको छ। आइतबार राति भएको खेलमा एट्लेटिकोले बेटिससँग १ – १ गोलको बराबरी खेल्दै अंक बाँढेको हो ।

खेलमा एट्लेटिको मड्रिडको लागि यानिक कारास्कोले एक गोल गरे भने रियल बेटिसको लागि क्रिस्टियन टेलोले एक गोल गरेका थिए।

खेलमा पहिलो अग्रता एट्लेटिकोले लिएको थियो । खेलको पाँचौं मिनेटमा यानिक कारास्कोले गोल गर्दै एट्लेटिकोलाई अग्रता दिलाएका थिए।तर, खेलको २० औं मिनेटमा रियल बेटिसका क्रिस्टियन टेलोले गोल गर्दै खेल बराबरीमा फर्काए र टोलीलाई हारबाट जोगाए ।

बराबरीसँगै एट्लेटिकोले ३० खेलबाट ६७ अंक जोडेको छ र शीर्ष स्थानमा छ। रियल बेटिसको ३० खेलबाट ४७ अंक छ र छैठौं स्थानमा छ ।