आधारभूमि संवाददाता
काठमाडौं, चैत २७

आज पनि सुनको मूल्य बढेको छ । बिहीबार तोलामा ८९ हजारमा कारोवार भएको छापावाल सुन आज प्रतितोला ९०० ले बढेर ८९ हजार ९०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ९०० ले बढेर ८९ हजार ४५० मा कारोवार भएको छ । यस अघि बिहीबार तेजावी सुन रु ८८ हजार ५५० मा कारोवार भएको थियो ।

आज चाँदीको मूल्य पनि प्रतितोला रु २० ले वृद्धि भएको छ । आज महासङ्घले चाँदीको मूल्य प्रतितोला रु एक हजार २ सय ८० तोकेको छ । यस अघि बिहीबार चाँदी प्रतितोला रु एक हजार २ सय ६० मा कारोबार भएको थियो ।