आधारभूमि संवाददाता
काठमाडौं, चैत २७
२०७४ साल देखि संस्थागत अर्थात निजीविद्यालयको शुल्क अनुगमन र श्रेणीकरणकमा भईरहेको अन्योलतालाई आउँदो नयाँ शैक्षिक सत्रदेखि काठमाडौँ महानगरपालिकाले सुधार्ने भएको छ । हाल काठमाडौँ महानगरपालिका भित्र संस्थागत विद्यालयहरु ६ सय ४१ वटा छन् । यस्ता विद्यालयहरुलाई महानगरपालिकाले २०७४ साल देखि श्रेणीकरण गरी शैक्षिक गुणस्तर, सेवा सुविधाका आधारमा क, ख, ग, घ, र विशिष्ट गरी पाँच श्रेणीमा विभाजन गरेको थियो । यसरी श्रेणीकरण र शुल्क अनुगमन गर्न चुकेको स्वीकार गर्दै अहिले यो वर्ष २०७८ देखि संस्थागत विद्यालयको अनुगमन र शुल्क निधारणमा उक्त अन्योलतालाई हटाउने काठमाडौँ महानगरपालिकका प्रमुख रामप्रसाद सुवेदीले बताए ।
२०७६ सालको तथ्याङ हेर्दा निजी तथा संस्थागत विद्यालयहरु मध्ये घ श्रेणी अनुसार कक्षा १ देखि ५ मा १ हजार ६ सय ३० लिन पाउँछन् । त्यसैगरी ग क्षेणीमा २ हजार २४ र ख ले २ हजार ४ सय १८ र क ले २ हजार ८ सय १२ रुपैँया लिन सक्ने अनुमानित शुल्क तोकिएको छ । तर यता निजी तथा आवासीय विद्यालय अर्गनाईजेसन नेपाल प्याब्सनका अध्यक्ष मुरारी प्रकाश सञ्जेलले भने महानगरले बारम्वार यस्ता प्रस्ताव माग गर्ने तर २०७४ सालमा गरिएको विद्यालय बर्गिकरण र शुल्क निर्धारण नै लागु भईरहेकाले यस्ता जिम्मेवारी प्याप्सन लाई नै दिनु पर्ने बताउँ छन् ।
यसरी महानगरपालिकाले शुल्क प्रस्ताव माग गर्ने तर व्यवहारमा लागु नगर्ने गर्दा धेरै यस्ता संस्थागत विद्यालयले मनोमानी ढंगले शुल्क निधारण गरिरहेका छन् ।
