आधारभूमि संवाददाता
काठमाडौं, चैत २५
म्यानचेस्टर सिटीले च्याम्पियन्स लिग फुटबलको क्वाटरफाइनलको पहिलो लेगमा सहज जित निकालेको छ ।मंगलबार राति भएको खेलमा सिटीले डर्टमण्डलाई २-१ गोलले पराजित गरेको हो ।
सिटीलाई जित दिलाउन केविन डी ब्रुएन र फिल फोडेनले एक एक गोल गरे । डर्टमण्डका मार्को रियसले एक गोल गरे ।
खेलको १९ औँ मिनेटमा केविन डी ब्रुएनले गोल गर्दै सिटीलाई सुरुवाती अग्रता दिलाएका थिए।
दोस्रो हाफको ८४ औं मिनेटमा डर्टमण्डका मार्को रियसले गोल गर्दै खेल बराबरीमा ल्याए ।
त्यसपछि खेलको ९० औं मिनेटमा सिटीका फिल फोडेनले गोल गर्दै टोलीलाई २-१ को जित दिलाए ।
अब दोस्रो लेग अप्रिल १४ मा डर्टमण्डको मैदानमा हुनेछ ।
