आधारभूमि संवाददाता
काठमाडौं, चैत २४
इंग्लिस प्रिमियर लिग फुटबलमा वेस्ट ह्यामले सहज जित निकालेको छ । सोमबार राति भएको खेलमा वेस्ट ह्यामले वोल्भसलाई ३-१ गोलले पराजित गरेको हो ।
वेस्ट ह्यामलाई जित दिलाउन जेसी लिंगार्ड,पाब्लो फोर्नेल्स र जारोड बोवेनले एक एक गोल गरे ।वोल्भसका लियान्डर डेंडनकर र फेबियो सिल्वाले एक-एक गोल गरे ।
खेलको छैठौं मिनेटमा जेसी लिंगार्डले गोल गर्दै वेस्ट ह्यामलाई सुरुवाती अग्रता दिलाएका थिए। १४ औँ मिनेटमा पाब्लो फोर्नेल्सले गोल गर्दै टोलीको अग्रता दोब्बर पारे ।
खेलको ३८ औं मिनेटमा जारोड बोवेनले गोल गर्दै टोलीलाई ३-० ले अघि बढाए।
खेलको ४४ औं मिनेटमा वोल्भसका लियान्डर डेंडनकरले गोल गर्दै ३-१ को स्थितिमा ल्याए ।
दोस्रो हाफको ६८ औं मिनेटमा वोल्भसका फेबियो सिल्वाले गोल गर्दै ३-२ को स्थितिमा ल्याए ।त्यसपछि कुनै गोल हुन सकेन र वेस्ट ह्यामले जित निकालेको हो ।
जितसँगै वेस्ट ह्यामले ३० खेलबाट ५२ अंक जोडेको छ र चौथो स्थानमा उक्लिएको छ । पराजित वोल्भको ३० खेलबाट ३५ अंक छ १४ औं स्थानमा छ ।
