आधारभूमि संवाददाता
काठमाडौ, चैत २३
सोमबार थप २६६ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ४ हजार ५३६ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या दुई लाख ७८ हजार २ सय १० पुगेको छ ।
त्यस्तै पछिल्लो २४ घण्टामा पीसीआर विधिबाट ४ हजार ५३६ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ६४ रहेको छ । कोरोना सक्रिय संक्रमितको संख्या १ हजार ८ सय ३२ जना छन् । हालसम्म २२ लाख ८९ हजार ८२४ जनाको पीसीआर परीक्षण गरिएको छ।
थप १०२ जना डिस्चार्ज
नेपालमा पछिल्लो २४ घण्टामा १०२ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ७३ हजार ३४२ पुगेको छ ।
नेपालमा हालसम्म कोरोनाबाट ज्यान गुमाउनेको संख्या तीन हजार ३६ पुगेको छ।
