आधारभूमि संवाददाता
काठमाडौ, २३ चैत

आज सुनको मूल्य घटेको छ । आइतबार तोलामा ८७ हजार ४०० मा कारोवार भएको छापावाल सुन आज प्रतितोला २०० ले घटेर ८७ हजार २०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला २०० ले घटेर ८६ हजार ७५० मा कारोवार भएको छ । यस अघि आइतबार तेजावी सुन रु ८६ हजार ९५० मा कारोवार भएको थियो ।

आज चाँदीको मूल्य पनि प्रतितोला रु ५ ले घटेको छ । आज महासङ्घले चाँदीको मूल्य प्रतितोला रु एक हजार २ सय ३५ तोकेको छ । यस अघि आइतबार चाँदी प्रतितोला रु एक हजार २ सय ४० मा कारोबार भएको थियो ।