आधारभूमि संवाददाता
काठमाडौं, चैत १९

आज सुनको मूल्य बढेको छ । बुधवार तोलामा ८५ हजार ६०० मा कारोवार भएको छापावाल सुन आज प्रतितोला ९०० ले बढेर ८६ हजार ५०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ९०० ले बढेर ८६ हजार ५० मा कारोवार भएको छ । यस अघि बुधवार तेजावी सुन रु ८५ हजार १५० मा कारोवार भएको थियो ।

आज चाँदीको मूल्य पनि प्रतितोला रु १५ ले वृद्धि भएको छ । आज महासङ्घले चाँदीको मूल्य प्रतितोला रु एक हजार २ सय १० तोकेको छ । यस अघि बुधवार चाँदी प्रतितोला रु एक हजार १ सय ९५ मा कारोबार भएको थियो ।