आधारभूमि संवाददाता
काठमाडौ, चैत १२
सरकारले यो शैक्षिक सत्र असार बाट सुरु गर्ने निर्णय लिए संगै अहिले जनक शिक्षा सामाग्री केन्द्रमा पुस्तक छाप्ने काम तिव्र रुपमा अगाडी बढेको छ । काठमाडौँ उपत्यका लगाएत धेरै सामुदायीक र निजी विद्यालयमा पठनपाठका लागि अधिकांश पुस्तकहरु जनक शिक्षा सामाग्री केन्द्रले छाप्दै आएको छ ।
गतवर्ष कोरोनाका धेरै पाठ्य सामाग्रीहरु विक्री हुन सकेनन् । जसले कम्पनी करोडौँको घाटा खेप्न बाध्य भएको शिक्षा सामाग्री केन्द्रको गुनासो छ ।तर, यो वर्ष असार बाट सुरु हुने शैक्षिक सत्रका लागि १ देखी १२ कक्षा सम्मका विषयगत पुस्तकहरु धमाधम छाप्ने काम भईरहेको केन्द्रका प्रवक्ता चित्र आचार्य बताउँछन् ।
हरेक वर्ष विकट र हिमाली जिल्ला पर्ने कर्णाली प्रदेश र गण्डकी प्रदेशमा सधै जसो पुस्तकहरु अभाव हुदैँ आएका छन् । यो वर्ष शैक्षिक सत्र पछाडी सरेकोले कार्णाली प्रदेश र गण्डकी प्रदेशमा भने पुस्तक विक्रीका लागि पठाइ सकेको जनक शिक्षा सामाग्री केन्द्रले जनाएको छ ।
अहिले परिमार्जीत भएको कक्षा १ देखी ३ सम्मका पाठ्य पुस्तक छाप्न सरकारले निजी क्षेत्र लाई अनुमति दिएको छ । भने बाँकी कक्षा ४ देखी १० सम्मकोे पाठ्य सामाग्री जनक पुस्तकले छाप्ने छ ।
विगत वर्षहरुको विक्रीका आधारमा निकालीएको तथ्याङक अनुसार शिक्षा सामाग्री केन्द्रले करोड ८४ लाख मध्ये १ करोड ५० लाख किताव छापिसकेको छ । बाँकी ३४ लाख कक्षा ६ को किताव छाप्न बाँकी रहेको उत्पादन विभागका परशुराम भुजुको भनाई छ ।
विक्रीको आधारमा यो वर्ष पनि किताव छाप्ने काम भईरहेको र बैशाख मासन्त सम्ममा सबै नेपाल भरिनै पुस्तक वितरण गर्ने योजना रहेको छ ।
