आधारभूमि संवाददाता
काठमाडौ, १० चैत
आज पनि सुनको मूल्य घटेको छ । सोमबार तोलामा ८७ हजारमा कारोवार भएको छापावाल सुन आज प्रतितोला ३०० ले घटेर ८६ हजार ७०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ३०० ले घटेर ८६ हजार २५० मा कारोवार भएको छ । यस अघि सोमबार तेजावी सुन रु ८६ हजार ५५० मा कारोवार भएको थियो ।
आज चाँदीको मूल्य पनि प्रतितोला रु १० ले घटेको छ । आज महासङ्घले चाँदीको मूल्य प्रतितोला रु एक हजार २ सय ५० तोकेको छ । यस अघि सोमबार चाँदी प्रतितोला रु एक हजार २ सय ६० मा कारोबार भएको थियो ।
