आधारभूमि संवाददाता
काठमाडौँ, ९ चैत
सोमबार थप १ सय ५० जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ४ हजार ४ सय ७२ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या दुई लाख ७६ हजार ५६ पुगेको छ ।
त्यस्तै पछिल्लो २४ घण्टामा पीसीआर विधिबाट ४ हजार ४ सय ७२ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ५१ रहेको छ । कोरोना सक्रिय संक्रमितको संख्या १ हजार १७ जना छन् । हालसम्म २२ लाख ४० हजार ९ सय ९८ जनाको पीसीआर परीक्षण गरिएको छ।
थप ९९ जना डिस्चार्ज
नेपालमा पछिल्लो २४ घण्टामा ९९ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ७२ हजार २० पुगेको छ ।नेपालमा हालसम्म कोरोनाबाट ज्यान गुमाउनेको संख्या ३ हजार १९ पुगेको छ।
