आधारभूमि संवाददाता
काठमाडौं, चैत ६
म्यानचेस्टर युनाईटेड युरोपा लिग फुटबलको क्वाटरफाइनलमा प्रवेश गरेको छ ।बिहीबार राति मिलानको घरेलु मैदानमा भएको अन्तिम १६ को दोस्रो लेगमा युनाईटेडले एसी मिलानलाई १-० गोलले पराजित गर्दै समग्रमा २-१ को जितसहित क्वाटरफाइनलमा प्रवेश गरेको हो ।पहिलो लेगमा युनाईटेडले एसी मिलानसँग १–१ गोलको बराबरी खेलेको हो ।
बिहीबार राति भएको खेलमा युनाईटेडलाई जित दिलाउन पाउल पोग्बाले निर्णायक गोल गरे ।पोग्बाले दोस्रो हाफको ४८ औं मिनेटमा गोल गरेका हुन् । पोग्बा मार्कस रासफोर्डको स्थानमा मैदान प्रवेश गरेका थिए ।
