आधारभूमि संवाददाता
काठमाडौं, चैत २
इंग्लिस प्रिमियर लिग फुटबलमा म्यानचेस्टर युनाईटेडले संघर्षपूर्ण जित निकालेको छ । आइतबार राति भएको खेलमा म्यानचेस्टर युनाईटेडले वेस्ट ह्यामलाई १-० गोलले पराजित गरेको हो ।
म्यानचेस्टर युनाईटेडले आत्मघाती गोलबाट जित निकालेको हो ।
निकै प्रतिस्पर्धात्मक खेलको पहिलो हाफ गोलरहित बराबरीमा सकिएको थियो । दोस्रो हाफको ५३औँ मिनेटमा वेस्ट ह्यामका क्रेग डासनले आत्मघाती गोल गरेका थिए ।
जितसंगै युनाईटेडले २९ खेलबाट ५७ अंक जोडेको छ र दोस्रो स्थानमा उक्लिएको छ । पराजित वेस्ट ह्यामको २८ खेलबाट ४८ अंक छ र पाँचौं स्थानमा छ ।
