आधारभूमि संवाददाता
काठमाडौं, चैत १

साताको पहिलो दिन सुनको मूल्य बढेको छ । शुक्रबार तोलामा ८६ हजार २०० मा कारोवार भएको छापावाल सुन आज प्रतितोला ४०० ले बढेर ८६ हजार ६०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ४०० ले बढेर ८६ हजार १५० मा कारोवार भएको छ । यस अघि शुक्रबार तेजावी सुन रु ८५ हजार ७५० मा कारोवार भएको थियो ।

आज चाँदीको मूल्य स्थिर रहेको छ । नेपाल सुनचाँदी व्यवसायी महासङ्घले आजको लागि पनि चाँदीको मूल्य रु १२७० तोकेको छ ।