आधारभूमि संवाददाता
ललितपुर, फागुन २९
स्थानीय सरकार बनेपछि विकास निर्माणका गतिविधीमा उल्लेख्य बृद्धी भएसँगै बाटो निर्माण स्थानिय तहको चासो ह्वात्तै बढेको छ । सहरका विभिन्न ठाउँमा सडक फराकिलो पार्ने कार्य गरिनुका साथै, ढल हालिएका छन्, सडक कालोपत्रे गरिएका छन् । तर अव्यवस्थित तरिकाले विकास निर्माणका कार्य गर्दा सडकको बिचमा रहेको विद्युतका पोल बाटोमै कालोपत्रेसँगै च्यापीएर बसेको छन् । कतै ढलको मंगल नछोपिँदा सडकको बिच भागमा धर्तीले केही खान मन गरे जस्तो मुख बाहिर बसेका छन् । आफ्नो वडामा यस्तो अवस्था भएता पनि वडाका जनप्रतिनिधीहरु भने यसलाई सामान्य रुपमा लिएर चासो समेत नदिइ बसेका छन् ।
यस्तै समस्या भक्तपुरको सूर्यविनायक नगरपालिका वडा नं। २ र ललितपुरकोे महालक्ष्मी नगरपालिका वडा नं। ७ हुदै लुभू जोड्ने सडक अहिले धराप जस्तै बनेको छ । दैनिक हजारौँ सवारीसाधन आवत जावत हुने उक्त सडकको बिच भागमा बिजुलीका पोल छन् त कतै बिच सडकमा ढलको मंगलमा ढक्कन राखिएको छैन । सधैँ व्यस्त हुने उक्त सडकको अवस्था दयनिय हुँदा पनि स्थानिय जनप्रतिनिधी मौन छन् ।
यस विषयमा महालक्ष्मी नगरपालिका वडा नं। ७ का वडा अध्यक्ष नकुल थापालाई बारम्बार जानकारी गराउँदा समेत कुनै चासो नगरेको एक स्थानी सडक प्रयोगकर्ता केशव के।सीले बताए । अर्का सडक प्रयोगकर्ता बाबुराजा महर्जनले भने, दैनिक ५ जना लड्ने गरी सडक प्वाल पर्दा पनि यो देशका ३ तहको सरकार नभएको भान हुन्छ, यदि सरकार भएको भए किन जनताको दैनिक सरोकारको कामलाई वेवास्ता गरिन्थ्यो । त्यसैले समयमै सम्बन्धित निकायको ध्यान यसमा जाओस् । यस विषयमा महालक्ष्मी नगरपालिका वडा नं ७ का कर्मचारीहरुसँग बुझ्न खोज्दा खाल्डो कुन ठाउँमा छ भन्ने कुरा पनि थाहा नभएको पाइयो । महिनौदेखि बाटोको बिचमा छ ढलको खाल्डो तर वडा कार्यलय भने यस विषयमा अनविज्ञ रहेको छ ।
काम छिटो सक्ने नाममा हो या विकास बजेट छिटो सक्ने नाममा होस् । सडकमा भएको पोल नहटाइ पिच गरिन्छ, ढलको ढक्कन खुला छोडिन्छ । ठेकेदार कम्पनी सँग स्थानिय जनप्रतिनिधीको संयोजनमा गरिेने यस्ता विकास निर्माणका काममा बिजुलीको पोल हटाउन पहल समेत नगरी जनप्रतिनिधीहरु सडक कालोपत्रे गर्न हतार गर्ने गरेको एक स्थानियले बताए ।
