आधारभूमि संवाददाता
काठमाडौ, २८ फागुन

आज सुनको मूल्य घटेको छ । बिहीबार तोलामा ८६ हजार ८०० मा कारोवार भएको छापावाल सुन आज प्रतितोला ६०० ले घटेर ८६ हजार २०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ६०० ले घटेर ८५ हजार ७५० मा कारोवार भएको छ । यस अघि बिहीबार तेजावी सुन रु ८६ हजार ३५० मा कारोवार भएको थियो ।

आज चाँदीको मूल्य पनि प्रतितोला रु १५ ले घटेको छ । आज महासङ्घले चाँदीको मूल्य प्रतितोला रु एक हजार २ सय ७० तोकेको छ । यस अघि बिहीबार चाँदी प्रतितोला रु एक हजार २ सय ८५ मा कारोबार भएको थियो ।